طبعا بما ان ده تاني موضوع انا هحكلكم حوار كده حصل

نقول آلآول آلسلآم عليكم ورحمة آلله وبركاته

ندخل بقى فِ آلموضوع
تررررررن تررررررررن

الام : الو
هشام : الو..... ازيك يا طنط عامله ايه
الام : الحمد لله و انته عامل ايه يا ابنى
هشام: تمام الحمد لله ممكن اكلم على
الام : و الله على نايم دلوقتى بس لو فى حاجه ضرورى ممكن اقولهالو و لا تحب اصحيهولك؟؟

هشام : ياريت يا طنط تصحيه معلش يعنى
الام : حاضر يا بنى
يا علىىىىىىىىىىىى يا علىىىىىىىىى كلم صحبك هشام
على : حاضر يا امى انا كونت قايم اصلا

على : الو ........... مين معاي

هشام : كونداليزا رايس

على : يا بنت الايه و مال صوتك احلوكده ليه
هشام : يا عم انا هشام انته هاتستظرف على الصبح

على : بس احنا المغرب دلوقتى يا اتش

هشام : تصدق يلا انا جزمه اصلا ان انا اتصلت بيك علشان اقولك انك اتزفت نجحت

على : طيب ما انا عارف

هشام : عارف ايه ..... عارف انك نجحت

على : لا ...عارف انك جزمه

هشام : ايوه يا عم هزر هزر ما هو الناجح يرفع ايدو

على : اشمعنه

هشام : انته هاتخشلى قافيه

على :خلاص يا عم .... المهم التقدير ....هاه التقدير ايه

هشام : مش فاهمك الحقيقه ....ممكن توضحلى النقطه دى

على : بقولك التقدير انا جبت تقدير ايه

هشام : يا عم انته هاتعيش دا انته لولا درجات الرافه كانت بقت تالت سنه ليك فى رابعه

على : يا عم انته هاتزلنى

هشام : عم ايه انته شايفنى واقف تحت بيتكم مشلح الجلابيه و بقول مسكره يا جوافه

على : مكنتش اعرف ياد ان كليتنا بطلع ناس بالمرح و الخفه دى كلها

هشام : يلا معلش عيد الام بقه

على : بلا عيد الام بلا عيد العمال المهم انت عملت ايه

هشام : انا الحمد لله طلعت بجيد

على : و هو احنا عندنا ماده اسمها جيد...لا حول و لا قوه الا بالله ..يلا ربنا معاك يا اتش

هشام : يخرب بيت الزفت الى بتشربو ومطينلك دماغك ده انا جبت تقدير جيد ياض

على : طيب كويس ربنا يوفقك و مقبول من جيد مش هاتفرق

هشام : على رايك

على : هاه هانعمل ايه دلوقتى

هشام : الحقيقه مش عارف ....محتار بين بيض بالبسطرمه و فول بالسجق

على : يا راجل .... مش تقول انك محتار كده
انا اقولك بص انته تعمل عبيط

هشام : خلااااااااااص يا عم انا اسف

على : اسفك مش مقبول .. اسفك جيد جدا
.بس بجد هانعمل ايه بعد ما اخدنا البكالوريوس

هشام : هانبدا بقه رحلت البحث على شغل كويس علشان ناكل عيش

على :و انتو معندكوش عيش فى البيت و لا ايه

هشام : معندناش و مين قالك ان احنا معندناش

على : لا ابدا جالى هاتف

هشام : و جبتو على كام

على : لا هو اتمختر و جالى لوحدو

هشام : بس انا بجد مخنوق اوى من حكايه الشغل دى يا على

على : هـــــــه .....يارب

هشام : يارب ياعم .. بس انته عارف الوسايط و الكلام ده

على : تحيا جمهوريه مصر العربيه يا عم
ماتخفش يا عم ربنا هايفرجها ان شاء الله

هشام : و الله يا على ان لولا كلامنا و تهريجنا مع بعض فى بلدنا دى كان الحال رسى بينا على حاجتين
يا اما كنا ولعنا فى نفسنا
يا اما كان اتولع فين

هههههههههه
موضوع جامد علي فكرة
بس تصدق انا كمان مكنتش اعرف ان في مادة اسمها جيد
يلا الله يكون في العون

هههههههههه

يسسسلمووو

» قمرين دان و وود
» ايما تاني
» قبل اي حد تاني صور بتاريخ النهارده لكريستينا
» حوار مع ايما
» حوار مع دان في المجلة الفرنسية ستوديو